የምንፅፈው የኛን የ ልብ ወለድ ታሪክ ብቻ ከሆነ ፥ የበሬ ወለደ ሃሜት ከሆነ በእርግጥ ወያኔ መስጋት ያለበት አይመስለኝም ። የኢትዮጵያዊያን ስቃይ በገሃዱ አለም የሌለ ፥ አንድ ከባህር ማዶ ቁጭ ብሎ ፥ ቁጭ-በሉ ተረት የሚተርክ ልጅ የሚተርከው ታሪክ እንጂ ያልነበረ ፥ ያልሆነ እና የማይሆን ፥ የፈጠራ እና የስራ ፈት ስራ ከሆነ ፥ እርግጥ ወያኔ እና ደጋፊዎቹ ( የትግራይ ህዝቦች ) ያን ያህል ሊጨነቁ አይገባም ። ወያኔ የኦሮሞ ልጆችን በጥይት ገድሏል ስንል ፥ አፈታሪክ ከሆነ ፥ ጋምቤላዎችን መሬታቸውን ነጥቋል ብለን ስንል የምድጃ ዳር ወግ ከተባለ ፥ የአማራ ልጆችን በዘራቸውም ምክንያት የዘር ማጥፋት ፈፅሟል ስንል ተራ አሉባልታ እንጂ ያልተፈጠረ እና ያልሆነ ከሆነ ፥ በእርግጥ ወያኔ እና ደጋፊዎቹ ሊጨነቁ አይገባም ።

ወጣቱ ከከፍተኛ የትምህርት ተቋማት ተመርቆ ስራ አጥ ሆኖ በየከተማው ይንከላወሳል ስንል ያልነው ያልሆነ እና ያልተደረገ ከሆነ ፥ ባንፃሩ ደሞ ደናቁርት እና ቦሃዎች የሃገሪቱን ዋና ዋና ቦታዎች በዘራቸው ተመርጠው ተቆጣጥረው ፥ ተንቀባረው ይኖራሉ ስንል ሃሜት ከመሰለ ፥ በአየር መንገድ ውስጥ ከተቀጠሩት ተቀጣሪዎች ከ ሰማኒያ አምስት በመቶ በላይ የትግራይ ተወላጅቾ ናቸው ስንል ውሸት ከሆነ ፥ የመከላከያን ከሚቆጣጠሩት ጀነራሎች ውስጥ 98 ከመቶ በላይ ትግሬ ናቸው ስንል ፍሬ ከርስኪ አልባልታ እንጂ በእውነት ላይ የተመሰረተ አይደለም ከተባለ እና መረጃውም ካለ ፥ በአዲስ አበባ ፥ በኦሮሚያ የተለያዩ አካባቢዎች ፥ በአማራ ክልል ፥ በደቡብ ፥ በአፋር እና ወዘተ የፎቁ ፥ የመሬቱ ፥ የኢንዱስትሪው ፥ የማዕድን ማውጫው ፥ የጥጥ ማምረቻው ፥ የሰሊጥ እና የኑግ እርሻው ፥ የአበባ ችግኝ ማፊያው የትግሬ ነው ፥ ለትግሬ ነው ፥ በትግሬ ነው ስንል ያልነው ሁሉ ምንም መሰረት የሌለው የጥላቻ ወሬ ከሆነ ፥ በእርግጥ ወያኔም ሆነ ትግሬዎች ሊያሳስባቸው አይገባም ። ሊያሳስባቸው የሚገባው የምንለው ሁሉ እውነት የሆነ እንደሁ ብቻ ነው !


ሄኖክ የሺጥላ